أخبار الداعية مصطفى حسني

-

زائرينا الكرام ..شرفونا بزيارة اقسام الموقع المختلفة

الصفحة الرسمية للداعية مصطفى حسني على Facebook  شاهد أعمال الداعية مصطفى حسني على  Youtube الصفحة الرسمية للداعية مصطفى حسني على Google +

الجمعة 19 ديسمبر 2014 /  27 صفر 1436



المكتبة الكاملة للداعية مصطفى حسني

مولاي وإلهي، أنت المُنعم على العِباد، يا من تُعطي الحاجة بغير سؤال، يا الله ارزقنا الخير بجودك وكرمك، فأنت كثير النِعَم ودائم العطاء، فحقق لنا أمانينا وأحلامنا وأرضنا بما قسمته لنا يا أرحم الراحمين.

 والبحث عن الكمال من مُهلكات الرجال.

بمن تتأثر الاطفال اكثر؟

الاب والام

الاصدقاء

المدرسة

  الرئيسية > غيًر حياتك > مقالات تنمية بشرية > د.شريف عرفة > تسمح تولع لي؟ - الجزء الثالث
د.شريف عرفة
تسمح تولع لي؟ - الجزء الثالث



النهاردة هنكمل كلامنا عن التدخين، اتكلمنا في الحلقة السابقة عن الصورة الذاتية، وأنها ممكن تكون السبب الرئيسي في أننا بندخن، يعني احنا بندخن عش أن شايفين نفسنا – أصلا– مدخنين. وقلنا أن تغيير الصورة الذهنية بسيط جدا، غمض عينك قبل النوم، وتخيل نفسك شباب وصحتك فل وبتطلع السلالم جري.

بس!

قلنا أن التدخين مش إدم أن قوي، دي مجرد عادة، ودلوقتي هنتكلم عن كيفية تغيير العادات.


كيف لا تبطل التدخين؟


أكتر حاجة بتخلي تبطيل التدخين صعب, أنه (تبطيل(
فاهمين قصدي؟

يعني فكرة أن الواحد (يبطل) حاجة هو متعود عليها, فكرة منفرة وسيئة أصلا، دي حاجة من قوانين العقل الباطن بيسموها قانون التعلق، يعني لو خطفت من عيل صغير لعبته, هتلاقيه بيعيط، وأنا لو خطفت منك الكمبيوتر وأنت بتقرا الموضوع ده، هتتضايق. هي دي الفكرة، أن الواحد مننا بيتضايق من فكرة أنه (يفقد) حاجة، حتى لو كان اللي بيفقده ده، عادة زي التدخين.

الحل هنا هو أنك ماتبطلش تدخين؟ يعني إيه؟ يعني أنت مش هتبطل تدخين؛ لأنك مش مدخن أصلا، يعني إيه برضه؟
يعني أنت مش هتبطل التدخين ده، لأ، أنت هترجع لطبيعتك

شوف يا صاحبي، فاكر أيام ما كنت طفل صغير؟  ماكنتش مدخن، يعني  أنت غير مدخن أصلا، هل أنت اتولدت وأنت ماسك سيجارة في إيدك؟
لأ طبعا، يعني أنت جيت الدنيا دي جسمك صحي جدا جدا، تحب ترجع زي ما كنت؟

 
كسر العادات
أول خطوة هنا هي أنك تكسر العادات، التدخين عادة،
-
 متعود تشرب بعد الأكل؟
-
 مع الشاي؟
 -
بعد الخناقات؟
 -
وأنت بتفكر؟
اكسر العادات دي، يعني بدل ما تشربها بعد الأكل، اشربها قبل الأكل.

متعود تشتري السجاير من شخص معين؟
لأ، اشتريها من واحد تاني

بتشرب نوع تقيل؟
لأ، جيب نوع أخف

بتشرب في المكان الفلاني؟
لأ، اشرب في المكان العلاني

الهدف هو أنك تتخلص من فكرة أنك بتخليها عادة، غير في العادة، ودي الخطوة الأولى.

شيل وحط


عشان تسهل على نفسك تغيير عاداتك, خد عندك الطريقة السهلة دي، لما تبطل عادة, حط عادة تانية مكانها، بس كده، يبقى كانك بتقول لعقلك اللاواعي "أنا ماخسرتش أي حاجة أصلا"

لو حبيبتك سابتك مثلا، ممكن تتألم من مشاعر الفقد، لكن عش أن تقلل المشاعر دي وتلغيها اعمل أي نشاط جديد عشان تتخطى المرحلة دي عاطفيا وتسهل على نفسك الموضوع، العب رياضة، قابل ناس جداد، سافر، أي حاجة تحطها مكان الحاجة اللّي اتفقدت، كده ببساط ة  عايز توقف عادة التدخين؟ حط عادة تانية مكانها


أقراص النعناع
عارف الباستيليا؟ أي نوع قوي من النعناع، في الأوقات اللي متعود فيها على التدخين, خد لك واحدة نعناع قوي, تشطشط بقك، واشرب بعدها كوب ماء بارد، هتلاقي لها نفس إحساس السجاير بالضبط، تخيل بقى؟ بس اوعى تدمن النعناع والباستيليا، وأضطر أكتب لك حلقة عن تبطيلهم :)


اعمل أي عادة تانية بدل العادة اللي هتبطلها، زي أنك تكلم شخص معين في التليفون مثلا، في الأوقات اللي متعود فيها تشرب السجاير، حاجة بسيطة، لكنها فعالة جدا؛ لأنها هتملا مكان العادة اللي اتغيرت  

من النهارده ابدأ في عمل هذه الخطوات البسيطة جدا، وهتلاحظ الفرق


في الحلقة القادمة هنتكلم عن مخاطر تبطيل التدخين
هو التبطيل له مخاطر؟!
لأ طبعا، هو اسم الحلقة الجاية كده وخلاص  
أشوفكم هناك.

 

 

4 stars التقييم الحالى
  قيم المحتوى
العدد الكلي للأصوات 16



الإسم : منة بديع - فريق الموقع الرسمى
    البلد :   مصر
    بتاريخ : 21-4-2013   07:41:00 AM
   أهلاً بكِ سمر . يُمكنكِ ان تحدثيهم عن أضرار السجاير و الأمراض الناتجه عنها . ودعائك لهم بمعرفة الصالح لهم و لصحتهم . ربنا يُبارك فيكِ و يتقبل منكِ ونشكركِ و فى إنتظار المزيد . ربنا يطمن قلبك و يسعدك .
الإسم : سمر
    البلد :   مصر
    بتاريخ : 20-4-2013   08:10:04 PM
   المقال جميل جدا ومفيد اوي بس فيه ناس مقتنعه انه مش بياثر فيها اصلا وان صحتهم كويسه فيبطلوه ليه دول اقنعهم اذاي
الإسم : منة بديع - فريق الموقع الرسمى
    البلد :   مصر
    بتاريخ : 20-4-2013   03:36:42 AM
   أهلاً بمحبين الله بارك الله فيكم على مشاركاتكم و ربنا يكرمكم و يفتح عليكم فتوح العرفين ب الله .
الإسم : pop
    البلد :   مصر
    بتاريخ : 19-4-2013   01:54:20 AM
   رائع الكلام دا جدا بس بالنسبة للعادة السريةكيف ابطلها
الإسم : رؤى مصطفى
    البلد :   مصر
    بتاريخ : 18-4-2013   10:06:08 PM
   جمييييل قوي مش بس للمدخنين كمان لأي حد محتاج انه يتخلص من عاده مسيطره عليه احييكم بجدمين اللي بيكتب الكلام الجميل ده ؟
الإسم : شيماء محمد
    البلد :   مصر /اسيوط/ساحل سليم
    بتاريخ : 18-4-2013   01:38:41 PM
   الموضوع حلو جدا ، بس عشان يتعمل الموضوع ده محتاج ارادة وعزيمه من جوه البني ادم,لان لو معندوش ،هيماطل ويتلكك ومش هيبطلها ابدا ، وانا اعرف ناس كده فعلا ومش عارفه اخليهم يبطلوها.
الإسم : مني شريف - فريق الموقع الرسمي
    البلد :   مصر
    بتاريخ : 12-12-2012   06:26:51 AM
   أهلاً و سهلاً بكُم زوارنا الكرام .. نشكُر تواصُلكُم و مُتابعتكُم و في أنتظار المزيد من المُتابعة و التواصُل .. بارك الله فيكُم و أضاكُم
الإسم : butterfly
    البلد :   مصر
    بتاريخ : 3-3-2012   12:52:33 AM
   المقال جميل ما شاء الله حسيت منه ان ممكن الواحد يعمل اى حاجة اذا كان مقتنع ان ممكن يعملهاويشيل كل الافكار السلبية اللى بتأخره
الإسم : إسلام_فريق الموقع الرسمى
    البلد :   مصر
    بتاريخ : 16-6-2011   12:55:52 AM
   اختنا الكريمة mona اهلا بكم معنا وشكرا لمشاركتم القيمة ... حضرتك تحاولى ترى الشخص ده آثار التدخين المدمره على صحته وتسمعيه محاضره عن حرمانية التدخين وان شاء الله ربنا يهديه وتنالى الاجر ... بارك الله فيكم واعزكم ووفقكم الى ما يحب ويرضى
الإسم : mona
    عنوان التعليق :   التدخين
    بتاريخ : 12-1-2010   08:53:17 AM
   رائع الكلام دا جدا بس ازاي الاول اقنع انسان ان التدخين عاده سيئه وبقت ظاهره اجتماعيه سيئه ومش للصحه بس لانه بيقول الي ليه نصيب في شئ هيشوفه




الاسم*
البريد الالكترونى*
البلد*
التعليق*